كل المطلوب منك أن ترحل دون النظر إلى الخلف .....

أحياناً يكون كل المطلوب منك أن تمضى لحالك .. كلنا نكره الفشل ونكره الأستسلام .. نحن نحب تحديات الحياة ونريد دائماً مواصلة مواجهتها إلى أن نتخطى أى تحدى أى كان .. ونحقق الفوز .. وذلك لنقهر الصعاب وننتصر .. ولكن أحياناً هذا لا يتحقق .. المهم فى ذلك أن الفرد يجب أن يتعلم على هذه الأوقات .. فيجب بشكل إحساسى أنت نتعلم متى نمضى لحال سبيلنا مع الأحتفاظ برؤوسنا مرفوعة ..

إن كانت بعض العلاقات بصدد الأنتهاء ،، بدلاً من أن تضيع الوقت ،،و تزيد الأمر تعقيداً - وربما تزداد إيلاماً ومشقة .. تعلم كيف ترحل .. تعلم أن الوقت أنتهى وأن دورك أنتهى ... لذا أرحل .

هناك بعض الأشياء فى الحياة التى تحصل دون رغبة منا .. وأحياناً تشعر برغبة فى أداء شئ ما ولكن هذا الشئ يكون غير واقعى أو غير مقبول لبعض الأشخاص ولكن هذا الفعل يكون داخلك داخل أحساسك داخل كيانك أنت مقتنع بفعل هذا الشئ حتى ولو كان الجميع يعتقد أنه غير صحيح .. ولكن مع الأسف بعض الأمور لا تمضى مثلما نريد لذا فلا تقهر نفسك .. تعلم فى داخلك فن التعرف على الأوقات التى يجب أن تمضى إلى حالك دون النظر إلى الوراء وتخلى عن الأمر .. وسوف تجد أن الأمر أبسط بكثير مما تعتقد .

إلى معلمتى فى الحياة

أقر وأعترف هنا بأن معلمتى هى التي علمتنى. وهى التي ربتنى وهى التى سقتنى من شراب حكمتها حتى الشبع. فأنا أدين لها بكل ما أنا فيه الآن. وبكل ما حققته في الحياة من نجاح وتقدم ورقى .

أنتِ وحدكِ من جعلتينا متفائلين في هذه الحياة ..

أنتِ وحدكِ من زرعت الأمل في نفوسنا النائمة ..

أنتِ وحدكِ من جعلتى شعارنا " عش ليومك وأنسى مامضى وماقد يأتي "

أنتِ وحدكِ كنتِ لنا أملاً وملجأً عند الحزن .. 

يقولون من علمني حرفاً صرت له عبداً...

وأنتِ يا معلمتي،لم تعلميني حرفاً...ولا حروفاً وحسب...

وانما علمتني الحياة بأسرها..علمتني كيف أفكر وكيف أختار .. وكيف انمو واكبر.. وكيف بالمستقبل افكر ...وارسم صورةً للغد...

غرستي في قلبى شجرةً كبيره..أوراقها الاخلاق والفضيله..والجمال بذرتي في قلبي بذور الخير وعلمتني ان من يزرع الخير لايحصد الا الخير .. ومن يزرع الشر لايحصد الا الشر..

وان الحياة عطاء وحب وامل .. ونقاء و صفاء....هذه هي اجمل الحروف التي علمتني اياها وليست حروف الهجاء فحسب...!

فلك كل شكر يا معلمتي

خدها منى بجد ( غير اللى تعرف تغيره ،، وسيب الباقى )

أنه أحد أهم مبادئ حياتى فإنه إن أهدرت وقتاً فى تغيير أشياء لن تتغير فى عقول البشر أو فى تصرفاتهم فأن حياتك سوف تمضى سريعة ولن تستطيع العيش .. لذا ففى المقابل إن كرست نفسك لأشياء تملك القدرة على تغييرها فسوف تصنع فارق كبير فى الحياة ..

إن طلب منك شخص المساعدة والمساندة ( هنا يكون أختيارك أو يكون رفضك ) ولكن حاول أن قررت الوقوف بجانب شخص التركيز على ما يمكن أن يشكل فارق له ولك ..

( كرس نفسك شخصياً للأشياء والجوانب التى يمكن أن تغيرها ،، حيث تسطيع أن تشكل فارقاً أما الأشياء التى لن تسطيع تغييرها أتركها لحال سبيلها إلى الأبد ) ..

السعادة ( نحن من يصنع الحلوى لا الحلوى هي التي تصنعنا )

حاولت بمجهود متواضع, وخبرة متواضعة أيضا, أن أبحث على الأنترنت عن معلومات خاصة عن ( السعادة ) .ذلك أنني كنت منذ طفولتي, مولع بمعرفة المصدر الذي تأتي منه الأشياء الجميلة وكنت دائماً اسأل عن مصدر المال, والحلوى, وحتى الكعك الذي أرى الجميع يصنعه وقتها .

ومن جملة ما كنت اسأل: من أين تأتي السعادة؟عندما كبرت أدركت ما كان قد خفي عني كثيرا .. وطويلا.فالسعادة ليس لها مكان محدد تأتي منه سوى داخلنا نحن. وان كان من شيء يصنعها في هذا الداخل فهي المحبة.المحبة تجعلنا نضحي, وهذه سعادة. المحبة تجعلنا نخلص, وهذه سعادة. المحبة تصنع حتى الشوكولاتة للأطفال, وهذه سعادة.القول بأن السعادة تأتي من داخلنا أولا, يعني اننا نخطئ عندما ننتظر ان يصنع أحدهم السعادة من أجلنا.فالإنسان الذي لا يسكنه الحب غير قادر على محبة الآخرين. وإنسان كهذا لا يسعد أحدا ولا أحد يسعده.يمكن أن يكون الآخر سببا.. لكن ليس مصدرا.والخطأ الذي نكرره في حياتنا هو ربط سعادتنا بشيء ما أو حتى شخص ما. ونعيش مترقبين منتظرين لهذا الشيء أو الشخص. وفي قناعتي, وثقتي, ويقيني, ان من ينتظر الآخرين كي يسعدوه لن يكون هو بنفسه قادرا حتى على الإبتسامة.السعادة هي نحن..هكذا اختصرها, وأعرّفها وأقدمها لنفسي.فنحن من يصنع الحلوى لا الحلوى هي التي تصنعنا . 

البيت المستحيل - winter sonata

حاول تعرف فين سعادتك

كان لى صديق يمتلك حس المرح والدعابة فى طفولتى وكنت مهما شعرت بالتعاسة أو الضيق أو الغضب فأننى بمجرد رؤيتة أو الحديث معه تتلاشى كل الهموم والتعاسة ..

لذا فأن مصدر سعادتى كانت فى ذلك الصديق والذى لن يعوض مرة أخرى ..

بعدما فكرت كثيراً بموضوع السعادة تغيير تفكيرى بالكامل بشأن الحياة أصبحت أتعلم كيف أصنع سعادتى بنفسى ولا يوصف هذا الشعور الذى يكون فى نفسك فى هذه اللحظة هو شئ ليس بالغ القيمة أو الثمن هى التى تمتلك هذه القوة أن الأشياء التى تمنحنا الدفعة المعنوية السحرية تكون عادة وجهه نظر خاصة ، أو شخصاً ، أو فليماً أو مسلسل مفضلاً يساعدنا على إعادة شحن طاقتنا .. 

أعتقد أننا جميعا بحاجة إلى التعرف على منطقة السعادة الخاصة بنا سواء هذا الشئ كان كتاباً أو ثرثرة مع شخص ممتع يجب أن يكون هناك شئ يجلعك تدرك أن للحياة سحر وبريق ويذكرك بأن هناك متعاً بسيطة فى الحياة ..

ليه تضايق وتزعل وتشيل

فى حاجات كتير اوى ممكن نعملها ، نرجع بيها طعم الحياة ..

أبسط حاجة اشترى شيكولاتة غالية ومستوردة وكلها كلها ..أو بص على بنت حلوة وأعرف انها لو عرفتك كويس ( هتحبك ) ..

ألعب لعبة ملعبتهاش من وانت صغير ..

امشى كتير اوى واعرق وانهج ( حس انك عايش )

اطفى نور اوضتك وشغل احلى موسيقى بتحب تسمعها واسرح معاها ..

بص للى منك واللى بتحبه وعرفه قد اة انت بتحبه ..بص للى تحتك واعرف قيمة كل حاجة معاه ..

بص للى فوقيك واعرف ان رغبتك انك تكون زيهم هيا اللى مديا طعم للحياة ..

استمتع بجو الشتا .. واسمتع بالبرودة حتى لو تلجتك وبردتك ..

سافر وروح اقعد على البحر ودخل رجليك فى الرمل وخرجها حس .

فى عز برودة الشتا انزل تحت البطانية .. وحط كوباية الشيكولاتة السخنة جمبك .. ابتسم وغمض عنيك .. ( ونـــام ) ..

اشتغل لغاية لما تحس انك ميت .. نام تانى واشحن وروح موت نفسك تانى ... واعرف انك زودت حاجة للدنيا محدش كان هيزودها غيرك ..

اعرف انك شخص مهم وفى كل لحظة بتغير اتجاه التاريخ ..

ههههه بص لشحات واقف جمبك ومتدهوش ولا نكله ،، بس سلم عليه واضحكله وقوله عامل اة تمام ..

سلم على واحد صاحبك وخده بالحضن وزود مدة الحضن ثانية ولا ثانيتين هتقوله حاجات كتير اوى .. بس اتأكد ان نيته مش تييييت ..

بص لبنت مغرورة واضحك من جواك .. وبص لبنت تانية وحشة وعاكسها بأدب .. واعرف انها هترجع البيت مبسوطة ..

بدون سبب ابعت اى رسالة حلوة لحد بتحبه ..

خلى اللى يكره يكره واللى يشتم يشتم .. واعرف انهم مضياعين وقتهم .. واتاكد انك لو عارف هتموت بكرة فانت هتعمل نفس اللى بتعمله دلوقتى ..

حب جامد اوى حتى لو حبك مكملش زى ما انت عايز ..

كل اكله جامدة اوى بس متخلهاش تشبعك .. واشرب مشروب دخلت المطبخ واخترعته .. ولو معجبكش ارميه .. وانزل اشرب حاجة تانية بتحبها ..

اكسب نفسك وحب حد بيكرهك واكسب نفسك تانى وانسى حد لسة بتحبه من غير ما تكره .. 

اتفرج على ماتش كورة لفرقتين متعرفهمش وشجع فرقه فيهم اوى اوى حتى لو كان بيلعب زى الزمالك ..

لما تقابل حد ومش فاكر اسمه ومش بتسلم عليه عادتا خده بالحضن وقولو واحشنى جدا يا معلم ..

اقرا كتاب عن موضوع معقد وبعدها انزل مع صحابك ( هتنبسط اوى ) ..

جرب اكله جديدة فى مطعم فخم تمنها يخرب بيتك وروح وانت مبسوط ..

البس احلى لبس عندك وانزل امشى فى الشارع .. وانت فارد ضهرك ومتحوطش ايديك فى جيبك خليهم مفكوكين ..

ارقص حتى وانت قافل اوضتك بالمفتاح وممكن تغنى كمان وانت ماسك الفرشة على انها مكرفون ..

افتكر قبل ما تنام كل الكلام الحلو اللى سمعت الناس بتقوله عنك ..

كل لما تقابل حد ويحكيلك عن مشكله جواه دورله على الجانب المشرق فيها وحلها معاه مهما كانت عويصة  .. وطلعلو فيها فوايد وباركلوا ..

كل لما حد يسالك ازيك عامل اة قوله الحمد لله مبسوط جدا قولها بسرعة من غير متفكر وابتسم .. ( لوحدك هتنبسط فعلا ) ..

شوف اة اسوء مشكلة فى حياتك .. وفكر فى اسوء حاجة ممكن تحصل بسببها وهتلاقيها مش هتموتك .. وهتفضل فى الاخر فوق الارض مش تحتها .. وان الدنيا هتمشى واحمد ربنا ..

سافر حتة مروحتهاش قبل كدة .. صورها صور نفسك فيها صلى فيها او بوس ارضها ..  او خد منها تذكار وارجع تانى نام على سرير بك وعرفه انه وحشك ..

استحمى فى نص ساعة خلى المية تنزل على وشك .. واسمع صوتها كويس ..

جيب لنفسك هدية واستنى لحد ما يجى عيد ميلادك وقدمه ا لنفسك .. وجيب هدية لحد بتحبه من غير مناسبة واديهاله فى عدم اهتمام .. ( كأنك معملتش حاجة غريبة ) ..

اشرب مية كتير ( متغضبش ) مهما حصل واشكر كل الناس بسبب وبدون سبب .. ولو حد اتريق عليك اضحك .. حتى لو من جواك بتضحك عليه .. ولو حد شتمك حط دة فى تنك البنزين بتاعك علشان تبقى طاقة تحركك لقدام .. 

لو الناس بعدت عنك اعرف لانك مش زيهم ( لهما وحشين ولا انت وحش ) انتم بس مش زى بعض وانبسط لانك مش بضيع وقتك معاهم .. لو لقيت نفسك لوحدك شوية اعرف انك فريد من نوعك ومين فى الدنيا يقول ان نوعك غلط او وحش .

بص لمبارح وشوف اتعلمت منه قد اة خطط لبكره بس اوعى تخاف منه ازاى تخاف من حاجات انت اللى بتبنيها اصلا ..

استمتع بالنهاردة كويس لان كل انهاردة هيبقى امبارح بتاع بكرة زى ما كان بكره بتاع امبارح ..

اتبسط ولو مش عايز تنبس مش هتعرف تعكنن عليا 

#‎sokasonata

رواية 1919 ( عبد القادر )

أرتعشت أصابعها رغماً عنها ... نظرت فى عينيه دقيقة فأقترب وأحتضن أطراف أصابعها بأيدية ثم قال :-

- أنا أسمى ............ مواليد .......

لم يكن يتوقع أن يأتى عليه يوم يفتح فيه حجراته المظلمة .. يزيل العناكب التى رباها وأطعمها بيدية لتغزل الخيوط فى وجه المتطفلين والمنافقين .. يغلق فخاخ الدببة ويمسح سموم الفئران المدسوسة فى الأركان ثم يكنس المسامير المنثورة على الأرضية .

حكى عن حياة أخرى غير التى حاكاها للناس ... حياته التى يظن أنه يعيشها بلا تفاصيل .. عرفها أن حياته تشبه كثيراً حياة الذئاب ... وأن من يفقدهم يومياً من القطيع أكثر ممن يكتسبهم .. عرفها أن دموعه خرافة يتداولها الأخرين ، وأنه بالفعل يفتقد حبها على وجه ... عرفها أن الحب بمعناه الحرفى لم يكن وارداً وأنه كان نظرية تثير السخرية فى نفسه والشعور بالضعف .. حتى نبض قلبه يوماً بلا إتفاق .. حلم غريب مثير مزدحم بالتفاصيل .. حلم غاص فيه وتمنى أن يستمر .

إنها ( فيروز ) عينها وذهب بشرتها والرقة التى بها ليسوا أجمل ما فيها ... فكم من جميلة صادف ولم يقنع القلب !!! وكم من فاتنة قابل ولم تحرضه على الحياة .. رغبته فيها نمت بدون ماء .. بدون هواء .. بدون أرض .. عشق توغل حتى النخاع حين ظن يوماً أن القدر سوف يفرقهما وأنه لن يراها مرة أخرى .

رأيتهم هناك

هم أطفال وشباب لم تخل حياتهم من الصعاب والتحديات والالم النفسي ليس بسبب الاوضاع الأنسانية الصعبة التي يمكنها ان تحبط احلام الكثيرين باستكمال تعليمهم أو تأهيلهم بالشكل الأمثل لخوض غمار الحياة انما لعدم قدرتهم على العيش فى أحضان الام او الاب او كلاهما.

لقد رأيتهم هناك وقد غابت معاني العائلة والاسرة من ايامهم بكل ما تحمله من قوة معنوية يحتاجها كل انسان في طفولته وبمراحل عديدة من حياته ليكون قادرا على مواجهة الحياة وتحدياتها.

وغياب دور الوالدين او احدهما في حياة كل انسان تعني غياب الامان النفسي والوجداني والشعور بالخوف من مستقبل مجهول كون الوالدين والعائلة خط الدفاع الاول الذي نحتمي به ونستمد منه كل ما نحتاجه لنكبر ونحن محملون بمعاني ومشاعر جميلة.

ولكن هناك دائماً دافع وهو الارادة والرغبة بالنجاح والاستمرار جميعها معان قادرة على تحدي صعوبات الحياة وعدم الاستسلام لواقع معيشي لم يكن لهم في رسمه نصيب... لكنهم امتلكوا بنفوسهم الرغبة بالتغير والاستمرارية ووجدوا من يشعل ظلام ايامهم باشعال شمعة اضاءت بعد ذلك مستقبلهم باكمله واخذت بايديهم الى بر الامان.لقد وجدوا أشخاص فى توقيت جيد ( توقيت رائع ومثالى ) لتستدير الدفة نحو الإصلاح والنجاح .

منذ أيام قليلة واثناء إحدى الحفلات استمعت لقصص نجاح حققها أطفال وشباب لقد تأثرت حقيقة وهم ينقلون بكلماتهم مشاعر كل من تحققت احلامه بدعم أشخاص حولهم ، شباب وأطفال تغيرت حياتهم الى الافضل بعزيمة وإرادة ومتابعة ودعم من قبل أشخاص أقل ما يقال عنهم ( ملائكة الرحمة ) منحوهم الفرصة لكى يكونوا في حياتهم شيء حقيقي وكبير .

( نظرة مجازية للمترفين ) هؤلاء نجاحاتهم ليست ككل نجاح واحلامهمم ليست كباقي الاحلام انها مختلفة لانها ولدت من رحم حياة لم تخل من المعاناة والصعاب والتحديات واليوم ما وصلوا اليه كبير بحجم اراداتهم ورغبتهم بالتغيير الى الافضل ففاقد الشيء هو اكثر انسان يحرص على عطائه اذا ادرك حجم اهميته وكيف يعطيه وكيف يعيش وكيف يحلم ويبني حياته....

قريباً الزيارة تتكرر .....

شهر رمضان ..أفراح وذكريات ( ج2 )

فرحة وذكرى لليلة الأولى من رمضان ،فقد ثبتت رؤية هلال رمضان وعمت الفرحة داخل أرجاء المكان ودبت الحياة داخل كل ركن وأضيئ المسجد وتعالت الأنوار والصيحات بين الجميع ..

أجتمعنا نحن الصغار كى نلعب داخل المكان ونطوف فى كل مكان مهللين ننادى الجميع وتعلو أصواتنا الرفيعة بالغناء :-
( رمضان كريم ياحاللو ..حاللو ياحاللو رمضان كريم ياحاللو ) كنا نظل نلعب فترة طويلة حتى تهمد فينا الحركة ثم يعود كل منا إلى سريره ،آملين من الجميع أن يوقظونا للسحور ..

ولا أنسى تلك الرائعة والتى كنت أعتبرها بمثابة والدتى ،فقد كنت أنام معها فى غرفتها ،فهى التى تعتنى بى وتشرف على تربيتى، وأنا أؤكد عليها وأن تحلف لى بالله العظيم ، أن توقظنى ساعة السحور ،حتى أسمع المسحراتى وهو ينادى على الجميع ويدعو للسحور وأسمع صوته الجهورى العالى وهويقول : ياعباد الله وحدوا الله .....
وقت السحور يستقيظ كل من فى المكان وتدب الحركة فى أرجاءه ويصطف الجميع داخل المطعم الرائع حيث تصطف فيها طواجن اللبن ،الأقدم فالأحدث ، وصنية قطع الجبن القريش وحصائر الجبن الذى لم ينضج بعد معلقة على الجدران والعسل الأسود.
كنت أهوى وأعشق القشدة الجاموسى وبيض الفراخ البلدى المسلوق والعيش ثم طبق الفول المدمس بالسمن البلدى ثم كوب الشاى الرائع واللذيذ ..

ياله من سحور شهى !!!

آكل بشهية وفرحة طاغية تملأ روحى وسط ذلك الحشد الرائع ..وبعدما أشبع ، أقول :الحمد لله ثم أشرب وأتمضمض وأنوى الصيام وأردد :"نويت الصيام غداً من شهر رمضان "
وهكذا كل يوم بعد السحور،أردد هذه الكلمات ..
ولما وعيت وأدركت اليوم من الغد ،قلت لمعلمتى :نويت الصيام اليوم من شهر رمضان..

وأظن معلمتى علاها الدهشة من قولى هذا !

وأزعم أننى قلت لها :اليوم يبدأ من الساعة الواحدة بعد منتصف الليل وينتهى فى اليوم التالى الساعة 12 ليلاً. فالأبلة فى المدرسة قالت لنا ذلك..
وتصمت معلمتى ثم تقول :أهم حاجة تصوم وتحافظ على الصلاة ولسانك ماينطقش بكلمة وحشة.

اليوم الأول---------

ويأتى اليوم الأول من رمضان وقد تغيّر نظام الحياة ،فلم يكن اليوم هو اليوم المعتاد والمألوف ،ففى الصباح وأثناء ذهابى إلى المدرسة أرى الناس وهم يلقون السلام ثم يتبعونه بكلمة رمضان كريم وكل سنة وأنتم طيبون .

( النفوس هادئة والوجوه باسمة والكلمات ضاحكة ) .
ماهذا الذى أراه وأشعربه؟؟!

لسانى معقود من الدهشة لتغيّر الحال بين يوم وليلة .
سبحان الله.

واقترب من باب المدرسة ، فأجد أخوتى وزملائى متفرقين فى الحوش ،فاقول لهم بوجه ضاحك :
كل سنة وأنتم طيبين.فيردون علىّ وهم ضاحكون باسمون:كل سنة وأنت طيب رمضان كريم.

شىءٌ جميلٌ وصباح أجمل مما أظن.

وهاهو فراش المدرسة الفظ غليظ القلب الحاد اللسان الذى أخشاه وأنأى بنفسى عنه ..يمر بيننا وصوته الخشن، وقد تحول بقدرة قادر إلى سكينة ووقار ،يقول :رمضان كريم ياولاد وكل سنة وأنتم طيبين .

ويدق الجرس لنقف طابور الصباح ويطل علينا وجه تلك الناظرة الجميلة لكى تقول للجميع :

رمضان كريم وكل سنة وأنتم طيبين .

كل هذا فعله رمضان فى الناس .
ما أعجب رمضان وما أروعه ..
إذا كان رمضان يفعل كل هذا التغيير فى نفوس الناس ، فلماذا لاتكون كل أيامنا رمضان؟

كل سنة وأنتم طيبين ..

قواعد الحياة ... الجزء الثانى

كتاب قواعد الحياة كتاب مش عادى ( هو الأكثر مبيعا حول العالم ) وعلشان كدة أنا أخترت أحلى قواعد موجودة فى الكتاب دة وصغتها بأسلوبى وبأمثلة من عندى تكون قريبة لكل اللى هيقرأ هذا الكلام هى مش أحلى قواعد بالنسبة لحد هيا أحلى قواعد بالنسبالى دى اللى انا قريتها والحقيقة أتمزجت منها أوى .. وشوفت فيها قمة الفلسفة خلاصة الخلاصة قمة العبقرية وأحب أنى أستكمل الجزء الثانى من الكتاب الرائع دة :-

ملحوظة : الكتاب دة فكرته أن أنت تقف على رجليك أن أنت تنهض بنفسك تنهض بذاتك .

10- القاعدة العاشرة ( أنا راجل "معيطش" ) :-

----------------------------------------

ودى فى المجتمع الشرقى مبنحبهاش ( أنا راجل معيطش -- انا راجل مبانش مكسور ) خلاصة القاعدة فى الكتاب بيقولك انك لما تنتظر على مشاعرك وتكبتها كتير دة شئ مش كويس ( لازم تبين مشاعرك ) مضايق زعلان مكسور حد قريبك عيان عندك حالة وفاة ( بين مشاعرك " عيط " ) لأنك أنسان ودة من أساسيات النجاح فى الحياة حتى الناس متبقاش حاسة انك حجر ودى مسألة مهمة جداً .

11- القاعدة الحادية عشر ( حافظ على إيمانك ) :-

-------------------------------------------

أنت مؤمن أنك أحسن واحد بيشتغل فى الحتة دى ( حافظ على الإيمان دة ) أنت عندك إيمان أن الفكرة دى هتنجح أو الشركة دى هتنجح ( حافظ على الإيمان دة أوى ) وعلى فكرة أجمل حاجة فى المحافظة على الإيمان دة أنك تنقله للاَخرين .. ( وعليه أفضل الصلاة والسلام له المثل ) كان مؤمن إن الإسلام هوة أحسن رسالة وهو اخر الرسالات وأعظم شئ فى إيمان نبى الله أنه نقله للاَخرين وعلى فكرة الكلام ده من 1400 سنة من قبل لما الراجل اللى كتب الكتاب دة يتكلم .

12- القاعدة الثانية عشر ( عمرك ما هتفهم كل حاجة ) :-

-------------------------------------------------

عمرك ما هتفهم كل حاجة ودى بقة مسألة مهمة جداً ياجماعة إحنا فى عصر التخصص أنت عمرك ما هتفهم كل حاجة يعنى أنا مقدرش أفهم فى الذرة وفى الكيمياء وفى أصل الكون ووووو إلخ ... ( مش هتقدر تفهم كل حاجة ) ولذلك فى الكتاب بيقول ان الحياة قصيرة جداً ( وحاول دايماً تفهم فى شئ واحد ) يعنى شئ واحد تفهم فيه تبقى متخصص فيه وفاهم أنت راجل بتاع كمبيوتر كل يوم تفتح الكمبيوتر وتشوف علامة الويندز والجهاز بيفتح وتشتغل ... بس تخيل لو الراجل بتاع الكمبيوتر دة قرر أنه يبت فى منطقة الضبعة للمحطة النووية ؟؟؟ .

13- القاعدة الثالثة عشر ( أعرف السعادة فين ) :-

-----------------------------------------

فى ناس كتير ماَساتها أن حواليها السعادة ومش شايفاها وفى كتير مش عارفين السعادة تيجى منين تقابل واحد كدة يقولك انا تعيس أنا مش سعيد يا أخى بس لازم كل واحد فينا عنده منطقة سعادة ....

جايز مثلاً أنك تعلم حد أزاى يقرأ .. أو مثلاً تقف مع مراتك فى المطبخ سعادتك بتيجى من الحتة دى سعادتك مثلاً أنك عندك أصدقاء بيحبوك وفخورين بيك ( كل واحد فينا ليه منطقة سعادة ) علشان كدة اعرف أة اللى بيسعدك ورحوله يعنى انا مثلاً لما أجوع أروح على مطعم كويس أنا وأصحابى وتقعد ناكل ونضحك ونتكلم أنا سعادتى بتيجى هنا ( أعرف فين منطقة سعادتك ) ودى مسألة مهمة جداً علشان كدة كل لما تحس أنك مكتئب سعادتى فين ( مع أمى - مع أصحابى - مع مراتى - مع عيالى - مع عيلتى - مع ذكرياتى ) وهكذا .

14- القاعدة الرابعة عشر ( الحياة زى البيتزا ) :-

------------------------------------------

الحياة زى البيتزا بمعنى ( البيتزا فيها حتة مقرمشة - وحتة طريه - وفيها حتة اللى فيها الجبنة - وفيها حتة اللى فيها الصلصة - وفيها الحتة اللى فى الاخر خالص واللى محدش بيحبها " بس أنا بحب أكلها " ) وبما أنك بتاكل بيتزا فيجب أن تأكلها كلها ( تاكل الحتة الناشفة والحتة الطريه والحتة اللى فيها الجبنة والحتة اللى فيها الصلصة ) الكتاب بيقول أن الحياة منوعة فيها حتة مقرمشة وحتة طريه وحتة ناشفة وعليك أنك تتقبلها .

15- القاعدة الخامسة عشر ( دور على حد يحبك ) :-

----------------------------------------------

بمعنى أة ... دور على حد دايماً لما يشوفك ينبسط والموضوع دة بيخلى حياتك سعيدة جداً ساعات بيكون ليك ناس كدة لما يشوفوك ( أهلا وسهلا أنت واحشانا كتير أوى ونفسنا نقعد معاك ) دور على حد دايماً يكون بيحبك .. كل واحد فينا ليه ناس تحب أنك تشوفهم ( بيرفعوا من روحك المعنوية والنفسية ) انا فى ناس بحب أقعد معاهم ويقولولى يا سلام يا احمد احنا بنحب نقعد معاك ونستفيد .. بتبقى حاسس كدة وانت مروح البيت أن فى ناس بتحبك وناس أعطوك سعادة ( فتقدر تكمل فى الدنيا ) وكل دى ذخيرة .

16- القاعدة السادسة عشر ( إلتزم بالأخلاق ) :-

----------------------------------------

أخر مرة حد سمع كلمة ( من فضلك أمتى ؟؟؟ ) أخر مرة حد سمع كلمة ( شكراً أمتى ؟؟؟ ) انت لما تيجى فى البنزينه تدى حد فلوس يقولك ماشى ( يعنى أة ماشى !!! ) فين من فضلك فين لو سمحت فين حضرتك فين بعد أزنك ( فين الكلام اللى بنقدم بيه كلامنا ) أخر مرة شوفت أنسان مؤدب أمتى ؟؟؟ ولد متربى كدة يخش فى أى حتة ( أزاى حضرتك - بعد أزن حضرتك - أول لم تخش يقف ) ميشربش سجاير قدام أبوه ) .. من فضلك ألتزم بالأخلاق .

وبشكر الكابتن/ فتحى عماشة مرة أخرى

Autumn In My Heart

قواعد الحياة ... الجزء الأول

فى البداية أحب أن أشكر الكابتن/ فتحى محمد على ( عماشة ) Fathy Mohamed على مساعدته وإخلاصة فى ترجمة هذا الكتاب وطبع نسخة خاصة لى .

وأحب أضيف أنى أستفدت كتير أوى أوى من الكتاب اللى هتكلم عليه فى السطور القادمة وكمان أحب أقول لكل صديق لى أنه يقرأ الكلام اللى هكتبه بدقة وبإستيعاب .

كتاب قواعد الحياة كتاب مش عادى ( هو الأكثر مبيعا حول العالم ) وعلشان كدة أنا أخترت أحلى قواعد موجودة فى الكتاب دة وصغتها بأسلوبى وبأمثلة من عندى تكون قريبة لكل اللى هيقرأ هذا الكلام هى مش أحلى قواعد بالنسبة لحد هيا أحلى قواعد بالنسبالى دى اللى انا قريتها والحقيقة أتمزجت منها أوى .. وشوفت فيها قمة الفلسفة خلاصة الخلاصة قمة العبقرية وأحب أبتدى القواعد بقعديتين ذهبيتين مهمين فى الكتاب دة اوى وهما :-

1- القاعدة الأولى ( خليك سرى ) :-

-----------------------------

... بمعنى ،، كل أصحابى اللى حواليا أنا بقولهم المثل دة على طول لنفترض أنك بتعمل رجيم وقلت لكل اللى حواليك أنك بتعمل رجيم ( أكبر طبق هيتملى هوة طبقك ) كل الستات أو كل الرجالة هيتلموا عليك " ياراجل رجيم أة كل كل ما انت شايف الكرش دة عز أحنا مربينه ... لازم يكسروك ويحبطوك فى خططك ) فمتقولش لحد أنت بعمل أة ،، أوعى تكون بتعمل شئ كويس وتقول لحد عليه وهستشهد بحديث جميل أوى (استعينوا على قضاء حوائجكم بالكتمان) ودى القاعدة الأولى اللى عجبتنى أوى .

2- القاعدة الثانية ( نفذ ) :- 

----------------------

... طبعا عمر ما فى حد هينفذ قواعد الكتاب كلها سواء أنا أو أى شخص أخر ولكن فى قواعد موجودة فى الكتاب دة أما تمشى بيها فى الحياة هتحس بفرق كبير وعلى فكرة أنا فى قواعد أستخدمتها الفترة اللى فاتت فرقت معايا فى حاجات كتير أوى أوى أوى ... عملتلى سعادة وبعدين السعادة دى كان مصدرها أن أنا لما طبقت الحاجة دى وشوفت نتيجتها ( قولت أة دة !!!! ) الكتاب دة فعلاً جامد اوى علشان كدة لو قررت تاخد قاعدة من الكتاب وتمشى بيها فى الحياه نفذها بشكل كامل .

3- القاعدة الثالثة ( روح الدعابة والمرح ) :- 

-----------------------------------

... خلى عندك روح الدعابة وروح المرح لأن الحياة صعبة جداً يعنى حاول دايماً فى كل موقف صعب تطلع فيه شئ أنت تضحك منه أو تلاقى فيه الدعابة .. يعنى متبقاش باصص للأشياء بنظرة كشرة .. حتى فى أسوء المواقف ... يعنى مثلاً أنا زملكاوى ( لى الفخر بذلك ) فلما الزمالك ( سابقاً ) كان بيتغلب كنت بحاول دايما أطلع دعابة فى المباراة ( أن ربنا مثلاً مش كاتب ناخد دورى أن مهما حصلت الثورة عمرنا ماهناخد أى حاجة ) وطبعاً الكلام دة عكس هذا الموسم 2014/2015 ( أبطال الدورى ) المهم تطلع دايما روح الدعابة فى أى شئ وأى موقف صعب ودة أنا بعمله على طول .

4- القاعدة الرابعة ( مفيش حاجة صدفة ) :-

-------------------------------------

.... أوعى قلبك يقولك أو عقلك يوهمك أن فى حاجة صدفة وعلى فكرة الكتاب مش بيتكلم بشكل دينى فى النقطة دى ( أنت تصنع واقعك ) هقولكم على حاجة .. أنت نازل من البيت فتحت الباب وقفلت ونزلت فى الأسانسير بعد لما ركبت الأسانسير وأنت نازل أكتشفت أنك نسيت مفاتيح الشقة روحت طالع تانى وأحضرت المفاتيح وأنت نازل تانى قابلت واحد صاحبك كان فى السعودية قالك دة أحنا محتاجين واحد بتاع كمبيوتر فى السعودية والمرتب مليون ونص فى السنة ( أنت طلعت ونسيت المفاتيح علشان صاحبك دة يقابلك .. مفيش حاجة صدفة ) وعلى فكرة أنت لو كنت نازل ومعاك المفاتيح أصلاً مكنتش هتقابل صاحبك بتاع السعودية .. لذلك أوعى حد يفتكر أن فى حاجة صدفة ... المشكلة أنى بقابل ناس كتير معتقدين أن حركتهم فى الحياة سدى لا تساوى أى شئ وببساطة شديدة انت لما نزلت وقابلت الراجل بتاع السعودية الراجل دة لقاك فخدك فى الشركة فأنت أشتغلت فى الشركة فالشركة نجحت وأصبحت بالتالى ترس ( جوة منظومة الحياة ) أوعى حد يفتكر أنه ملوش لازمة ... مفيش حاجة صدفة ... وخلينا نشوف أزاى ممكن الساعة هتشتغل لو فى ترس صغير فى الساعة مشتغلش .

5- القاعدة الخامسة ( أنت متعرفش الخير فين ) :-

------------------------------------------

فى أشياء تبدو تافه عند ناس كتير ( مثال ) ... جه واحد صاحبك قالك أنا بعمل سايبر نت ( إنترنت كافية ) وقالك أدينى 1000 جنية فانت قولت أة المبلغ التافة دة وأديته الــ 1000 جنيه بدون مبالاه فالراجل خد الــ 1000 جنيه والفلوس دى أشتغل بيها وجاب ناس وكبر السايبر وحط بلياردو وكمان بلاستيشن ونجح المشروع بشكل كبير لذلك ( أنت متعرفش الخير فين ) وعشان كدة الواحد دايما لازم يسعى .. من كام يوم شوفت أحد الشيوخ بيتكلم فى التليفزيون أن الدين الإسلامى لا يحب الإكتناز فكرة أن الواحد يعمل شوية فلوس ويحطهم فى البنك وياخد فوايدهم دة شئ خاطئ .. الدين الإسلامى عايزك دايماً تخرج فلوسك علشان كدة ربنا فرض الزكاة علشان تحرك فلوسك .. علشان كدة أنت متعرفش الخير فين ومش معنى كدة أنك لازم تكون عظيم أو أنك تشارك الوليد أبن طلال أو بيل جيتس .. لكن أنت ممكن تعمل شئ صغير وأنت متعرفش ممكن يبقى عظيم قد أة وأنا من خلال تجربتى أتعلمت أن الحاجات الصغيرة جانب بعضها بتعمل حاجة كبيرة .

6- القاعدة السادسة ( دائرة الراحة ) :-

--------------------------------

بمعنى .. أنت دايماً قاعد فى البيت بتاعك أخر الشهر المرتب بيدخل حسابك والعيال حواليك ومراتك جانبك فكل يوم أنت نازل فى دايرة الراحة دى بس أتعود أن الحياة مش كدة خالص وأتعود دايماً أن ممكن يحصل شئ إستثنائى الضرايب يخشوا عليك مباحث الكهربا يجولك عربيتك تتخبط ... أتعود دايماً تكون خارج الديرة بتاعت الراحة دى وأنا بسميها دايرة ( البليلة ) وطبعاً الحياة البطة دى مش وحشة كلها بس أنا بقول أتعود دايماً أن فى كل الأحيان أنا جاهز ... العربية أتخبطت ( تصلحها أزاى وتشوف الميكانيكى ) والدتك مرضت ( أنقلها أزاى المستشفى وأزاى أكون مستعد لأى سيناريو ) كان فى زمان وأنا صغير عبارة فى الكشافة مشهورة وهى ( كن مستعد ) وعلشان كدة دايماً كن مستعد لأى شئ خارج المؤلوف وخارج دايرة الراحة ... وعلى فكرة الناس اللى جوة دايرة الراحة على طول عمرها ما هتنجح ,, وطبعاً ممكن الناس اللى تقرا كلامى يقولولى أحنا برة دايرة الراحة على طول ( أحب أقولهم أن دى حاجة بتصنع الرجالة ) .

7- القاعدة السابعة ( أتعلم تسأل ) :-

------------------------------

ودة أنا أتعلمت أعمله على طول يعنى مثلا لما أخش أى مطعم وشوف أكلة جديدة مثلاً أحب أنى أسأل ( الويتر ) الأكلة دى بتتعمل أزاى وتوابلها بتتحط أزاى وبتتحشى من جوة بأه وطعمها أة وهكذا .. أتعود دايماً تسأل أسئلة وفى عبارة جميلة فى الموضوع دة ( أسأل تسلم ) وأنا لاحظت الناس بتخجل من السؤال متتكسفش أنك تسأل ، تبقى واخد مراتك وعيالك فى حتة وأنت مش عارف أنت ماشى أزاى ولا تعرف أنت رايح فين وتقولهم أنا عارف الطريق ... العالم كله برة بيسأل والقرأن بيقول ( وأسألوا أهل الذكر أن كنتم لا تعلمون ) قابلت واحد كورى أويابانى مش عارف بالظبط وكان معاه مترجم وبعدين قالى أكتب أسمى بالعربى فكتبت أسمه بالعربى ولما سألته ليه عايز تكتب أسمك بالعربى قالى عن طريق المترجم علشان أتعلم حاجة جديدة ... لذا دايماً أسأل .

9- القاعدة التاسعة ( خلى عند كرامة ) :-

----------------------------------

فكرة الكرامة دى مهمة أوى يعنى حاول طول يومك دايماً تعمل الحاجة بكرامة فى شغلك فى بيتك فى الشارع بحيث لما تروح البيت تحس أنك فخور بنفسك وأنك عملت الأشياء بكرامة ... جه حد مثلاً كان عايز يعمل حاجة غلط وأنت قولت لأ أنا مش هعمل الحاجة دى ( عارف أنت الواحد لما يحس أنه عايش الحياة بكرامة ) فى ناس مشكلتها فى الحياة أنها عندها أحساس بالتافه انما لما تعمل أشياء زى دى فى يومك تفخر بذاتك ( والكتاب بيقول فى الموضوع دة .. أن الكرامة كلها أن يكون عند إحترام لنفسك وتقدير عالى لذاتك ) أنا أنسان محترم .

نستكمل الجزء الثانى قريباً من كتاب قواعد الحياة ..

وبشكر الكابتن/ فتحى عماشة مرة أخرى

موسيقى رواية ١٩١٩ لأحمد مراد

موسيقى رواية ١٩١٩ لأحمد مراد - إصدار دار الشروق

تأليف : محمد ناصف

تصوير الغلاف : خالد ذهني

موديل : تاكو خورسيدزي

رواية 1919 - احمد مراد

تعبير رائع للإفصاح عن مكنون ما بداخلك تجاه أمر ما ( رواية 1919 - للكاتب احمد مراد )

صندوق الذكريات

لم تكن رحلة عادية ..
بل كانت ملخص لجهود خارقة خلال العاميين المنصرمان ...
لم يوقظنى أحد وكنت على دراية كاملة بكافة واجباتى ومسؤلياتى تجاه من احبهم ..

ذلك الهواء المنعش والذى تخلل رئتى طوال الوقت اعطانى جرعة كبيرة من الثقة والهدوء النفسى وكذلك الاسترخاء التام ...
( وذلك الأخير كنت أريده بشدة .. )

ان تنصهر وسط الناس وترى أفراحهم وأمالهم .. فذلك يسعدنى بشدة ...
وكنت أراقب الأشخاص السعداء طوال سيرى فى الطرقات .. هناك دائما شئ مشترك .. الأسنان البيضاء .. والوجه البشوش ... وذلك على مختلف اطيافهم واعتقادتهم ..

عندما استرجع الزمن الى الوراء ارى ان للماضى والذكريات سحر لا يقاوم سحر جميعنا نقع فيه ونذوب داخل منحنياته.. وأعترف أن للحاضر ايضا رونق وسحر لا يقاوم لذا فقد عزمت على صناعة بعض الذكريات التى لا تنسى وذلك بتجربة كل شئ جديد ومختلف ..

الأفطار مختلف والمشاعر المختلطة بالاخوة والسعادة دائما حاضرة على الأقل من ناحيتى .. وهناك تلك السعادة التى لا تفارق ذهنى فى وجه والدتى العظيمة .. والتى حاولت بقدر الامكان ان اسعدها .. ولا يعلم احد انها فى الحقيقة هى التى تسعدنى وتؤنس بى فى كل شئ .. مجرد رؤيتها يبهجنى ..

-- ما هو أفضل شئ فى تلك الرحلة ؟؟

قالت لى خالتى أننا جميعنا لأول مرة نجتمع فى رحلة ..
لقد رأيت السعادة فى عينها وأعتقد انه فى قراره قلبها وعقلها قد عزمت على تجربة تلك الرحلة كل عام لذا فقد أتفقنا أن نبذل قصارى جهدنا فى لملمة شملنا كل عام لقضاء أجازة بعيدا عن الجميع ..
خلال جلوسى الدائم مع خالتى طوال رحلتنا تعلمت اشياء من خلالها اهمها الفرد للجميع والجميع للفرد وذلك شئ رائع ففكرة العائلة هنا هيا المسيطرة ..

لست خبير ولكننى أعتقد أن الأضاءة فى حياتنا مهمة جداا .. أحس أحيانا حينما أفكر بالاضاءة أن هناك بعض الناس يمكن أن يضيؤوا قلبك أيضا .. ومن خلال القلوب المضيئة يمكن تنير للاخرين حياتهم ..

الهواء العليل ونسمات البحر الرائعة طبيعة خلابة فأمواج البحر المتقلبة والهادئة وفيتامين اليود الذي يتم استنشاقه والسماء الصافية كل هذه مجموعة من المثيرات المحفزة لعملية التخيل وثراء الوجدان والتداعي الحر للحب والأفكار ... وأننى عندما أنظر للبحر ينتابنى شعورا بالسعادة الغامرة والسرور الذي ينعكس علي بهاء وجهى وزيادة نشاطى الجسماني والعقلي .

( وأننى لا أنكر فى هذه المدينة الرائعة شاطئ عجيبة ... أفضل شاطئ سحرى يمكن الذهاب إليه ذلك المنظر الساحر، والمياه الصافية والبرك الطبيعية ذات المياه الزجاجية الزرقاء هذا الشاطئ ذو الطبيعة الساحرة والجبال المتعرجة والممزوجة بنحت ألاف السنون والتى تجسد عظمة الخالق سبحانه وتعالى ... فى الحقيقة انها لوحه طبيعية لقد قضينا أفضل الأوقات وألتقطنا أجمل الصور مما أضاف على الرحلة رونقًا خاصًا وسحرًا مميّزًا ... تظل ذكراه على مر السنين ) .......

‏‎heart‎‏ رمز تعبيري ‏‎heart‎‏ رمز تعبيري ‏‎heart‎‏ رمز تعبيري ‏‎heart‎‏ رمز تعبيري ‏‎heart‎‏ رمز تعبيري ‏‎heart‎‏ رمز تعبيري ‏‎heart‎‏ رمز تعبيري ‏‎heart‎‏ رمز تعبيري ‏‎heart‎‏ رمز تعبيري ‏‎heart‎‏ رمز تعبيري ‏‎heart‎‏ رمز تعبيري ‏‎heart‎‏ رمز تعبيري ‏‎heart‎‏ رمز تعبيري ‏‎heart‎‏ رمز تعبيري ‏‎heart‎‏ رمز تعبيري ‏‎heart‎‏ رمز تعبيري ‏‎heart‎‏ رمز تعبيري ‏‎heart‎‏ رمز تعبيري
وهناك اللقاء .. فالخيال له نسيج رائع ينسج خيوطه حول قلوبنا لنرى به الدنيا كما لم نراها من قبل .. وجمال الحضور يزيد ويضفى على العاشقين نوعا خاصا من الخيال الذى لا حدود له .. مما يعطى للزمن توقف من نوع خاص .. توقف يجبر الزمن على النظر الى قلوبنا .. وهذا ما يحدث دائما ... ورد وشموع وامواج ... انغام موسيقية وقلوب مطمئنة تعاهدت على الحب .. تلك اللحظات أعتقد انها سوف تكون فى صندوق الذكريات الخاص بأصحابها ..
( قد اة الروح تميل .. والنغم يطلع جميل .. قد الروح تميل والنغم يطلع جميل ..... والوتر يوصل كلامه للقلوب صافى واصيل .. قد اة وقد اة .. بس اقول اة ولا اة ) ... اغنيه ...
‏‎heart‎‏ رمز تعبيري ‏‎heart‎‏ رمز تعبيري ‏‎heart‎‏ رمز تعبيري ‏‎heart‎‏ رمز تعبيري ‏‎heart‎‏ رمز تعبيري ‏‎heart‎‏ رمز تعبيري ‏‎heart‎‏ رمز تعبيري ‏‎heart‎‏ رمز تعبيري ‏‎heart‎‏ رمز تعبيري ‏‎heart‎‏ رمز تعبيري ‏‎heart‎‏ رمز تعبيري ‏‎heart‎‏ رمز تعبيري ‏‎heart‎‏ رمز تعبيري ‏‎heart‎‏ رمز تعبيري ‏‎heart‎‏ رمز تعبيري ‏‎heart‎‏ رمز تعبيري ‏‎heart‎‏ رمز تعبيري ‏‎heart‎‏ رمز تعبيري

لقد اغرتنا الرحلة ... وعشنا ذلك الحلم الرائع والذى طالما تمنيت له ان يحدث .. تمنيت حدوثه كل لحظة ... وها هو قد حدث بكل تفاصيله التى اريدها فى مخيلتى .. ولكن يتبقى حلم أخير سوف اسعى لتحقيقة واتمنى أن يحالفنى التوفيق أن احققه .. من القواعد الأساسية فى حياتى ألا أدمن شئ أكثر من اللازم ... ولكنه لم يحدث فى الرحلة لقد أنغمست وكلما أزداد الوقت شربت منه كل شئ ...

ليس بالضرورة أن تكون عظيما لكى تحلم .. ولكن عليك أن تحلم لكى تكون عظيما لذا فالأفكار النيرة تدوم وتعيش طالما هناك قلوب متسامحه وخيره ...

فى صيف ٢٠١٥ نظر الجميع لى وأعلم يقينا انهم يعرفون من أنا
..
بعض الناس ولد كى يجلس على حافة النهر ..
وبعضهم يستمتع بالبرق ...
وبعضهم لديه أذان موسيقية ..
وبعضهم فنان ..
وبعضهم يسبح ..
وبعضهم اهتم بالمظاهر ...
وبعضهم اهتم بالكتب ...
وبعضهم امهات ..
وبعض الناس يرقص ...